Arrìve pe tutte, prime o po’, la dì
ca june nane vòule stè chiù vacandì.
Però jidde e jèdde pènzene scekitte a scequè,
e i genetùre tènene tutte da preparè.
Doppe corrède e chèise, chjìse e sèle awònne acchiè,
pe vedè addau s’awònne a spusè e festeggè.
La chjìse jè sèmbe chèdde de la zìte,
Pitte jè u poste geste pe la fèsta chiù bèlle de la vìte.
Pigghje la vì de Rùve e vè sèmbe ritte
e doppe 5 chelometre se revète ‘nda quande te lè dìtte.
Lasse la machene jinde a lu puarchègge,
e nu ‘gèntleman’ te dè u bènvenùte jinda na règge.
Chèdda règge jè na massarì ranna ranna,
da tìmbe antìche se chième la massarì de San Giuwànne.
Da fòre i faccète pàrene vèle bianche de tufe e pète,
ca jè nu piacère ad ammeràlle da nanze rète.
Da li tìtte jèsse pure na bèlla torre,
forse pe arrecurdàrne ca dò jè jautète la famigghje Filo della Torre.
Tutte la struttùre jè come nu giojèlle,
ca la mùrge s’è puèste pe parè chjù bèlle.
I pelàstre so forte e ranne ranne come gigande,
che li pite fecchète ‘nda l’ipogèje sottostande.
‘Nda l’anfitèatre e lu spiazzèle i zètre e i ‘nvetète
Candene, balle e màngene tìmbe d’èstète.
Pure la lune e i stèlle, quanne arrìvene do, wonne chjù chiène,
pe sènde u profùme e la mùseche, ca fìgne a lòre ‘nghiène.
Quanne tu trèse jinde a la sèle, jè come o puaradìse,
ca pe disce come jè, ‘nge vòlene mìse e mìse.
Na cause jè cèrte: pe qualsiasi èvènde,
fìgne a mo tutte awònne remuèse sèmbe cundènde.
Commenti
Posta un commento